Skulen er bygd ut etappevis frå 1954 til siste tilbygget i 1997 og ombygging av ungdomsskulen i 2005.

Ved oppstart skuleåret 2011/2012 har me 372 elevar fordelte på 18 klassar. Skulefritidsordninga har rundt 40 påmelde.

Dette skuleåret er her 47 lærarar, åtte assistentar, fire reinhaldarar, vaktmeister, sekretær, SFO-leiar, rektor, to undervisningsinspektørar og rådgjevar, helsesøster.

I alt ein stab på 64 tilsette.

Me er opptekne av at arbeidet på skulen skal vera prega av positiv tenking, godt humør og mykje ros.

På utviklingsplanen i år står blant anna læringsmiljø, lesing og vurdering. Alle desse tre punkta heng saman og det eine vert utvikla i samanheng med det andre.